Tuesday, August 31, 2021

സി.പി.എം-ബി.ജെ.പി. നിലപാട് വ്യക്തമാക്കണം : ബാബു ജോര്‍ജ്ജ്

സെപ്റ്റംബര്‍ 3-ാം തീയതി റാന്നി ഗ്രാമപഞ്ചായത്ത് പ്രസിഡന്‍റിനെതിരെ നടക്കുന്ന അവിശ്വാസപ്രമേയത്തില്‍ സി.പി.എമ്മിന്‍റേയും ബി.ജെ.പിയുടേയും നിലപാട് വ്യക്തമാക്കണമെന്ന് ഡി.സി.സി പ്രസിഡന്‍റ് ബാബു ജോര്‍ജ്ജ് ആവശ്യപ്പെട്ടു.  

ബി.ജെ.പി നിയോജക മണ്ഡലം പ്രസിഡന്‍റുമായി എല്‍.ഡി.എഫ് അംഗം ശോഭാ ചാര്‍ളി കരാര്‍ ഉണ്ടാക്കിയിരുന്നു.  ബി.ജെ.പി പിന്‍തുണ സംബന്ധിച്ച് വിവാദമുയര്‍ന്നപ്പോള്‍  ബി.ജെ.പി ഔദ്യോഗികമായി ഈ കരാര്‍ പുറത്തുവിട്ടു.  എല്‍.ഡി.എഫ് യോഗങ്ങളില്‍ ശോഭാ ചാര്‍ളി പങ്കെടുക്കില്ലന്ന് ബി.ജെ.പി യോട് സമ്മതിച്ചിരുന്നെങ്കിലും അത് പാലിക്കപ്പെട്ടില്ല.  എല്‍.ഡി.എഫില്‍ നിന്നും ശോഭാ ചാര്‍ളിയെ പുറത്താക്കിയതായി പത്രക്കുറിപ്പ് ഇറക്കിയിരുന്നുവെങ്കിലും എല്‍.ഡി.എഫിന്‍റെ എല്ലാ പരുപാടികളിലും ശോഭാ ചാര്‍ളി സജീവമായി പങ്കെടുത്തിരുന്നു.  റാന്നി ഗ്രാമപഞ്ചായത്തില്‍ കോണ്‍ഗ്രസ്- 4, കേരളാ കോണ്‍ഗ്രസ് ജോസഫ്- 1, യു.ഡി.എഫ് സ്വതന്ത്രന്‍ -1 ഉള്‍പ്പെടെ യു.ഡി.എഫിന് 6 അംഗങ്ങളാണുള്ളത്.  ഇടതുമുന്നണയില്‍ സിപി.എം -4, കേരളാ കോണ്‍ഗ്രസ് മാണി -1 ഉള്‍പ്പെടെ 5 അംഗങ്ങാണ് ഉള്ളത്.  ബി.ജെ.പിക്ക് 2 അംഗങ്ങളും.  ഈ സാഹചര്യത്തില്‍ 3-ാം തീയതി നടക്കുന്ന അവിശ്വാസ പ്രമേയ ചര്‍ച്ചയില്‍ ബി.ജെ.പി-സി.പി.എം നിലപാട് നിര്‍ണ്ണായകമാണ്.  ബിജെപി പിന്‍തുണയോടെ എല്‍.ഡി.എഫ് ഭരിക്കുന്ന റാന്നി പഞ്ചായത്തില്‍ അവിശ്വാസ പ്രമേയചര്‍ച്ചയില്‍  സി.പി.എമ്മിന്‍റെയും ബി.ജെ.പി യുടെയും നിലപാട് എന്താണെന്ന് വ്യക്തമാക്കുവാന്‍ ഇരുകക്ഷികള്‍ക്കും ബാധ്യതയുണ്ടെന്നും ബാബു ജോര്‍ജ്ജ് പറഞ്ഞു.  6 അംഗങ്ങളുള്ള യു.ഡി.എഫിനെ അധികാരത്തില്‍ നിന്നും മാറ്റിനിര്‍ത്തുന്നതിനാണ് ബി.ജെ.പി യുമായി കരാര്‍ ഉണ്ടാക്കി അവരുടെ പിന്‍തുണ നേടി സി.പി.എം റാന്നി പഞ്ചായത്തിന്‍റെ ഭരണം പിടിച്ചത്.

0 comments:

Post a Comment

Contact Form

Name

Email *

Message *

CONTACT US

04682 222658